….નજીવો પ્રયાસ
હતું કે કરીશું કોઇના હ્રદયે વાસ
પરંતુ ફરવું જ પડ્યું થઈ નિરાશ
કોઇના થવાનો હતો નજીવો પ્રયાસ
ખુદનો પણ રહી શક્યો હોત કાશ
ઝંખી હતી મુજ હ્રદયે પ્રેમની ભિનાશ
કરાવ્યો એણે તો સહરાનો અહેસાસ
હતું કે મનના આકાશે થશે ઊજાસ
પૂનમ પહેલા અમે તો ભાળી અમાસ
થયું કવિતા હશે મનની આસપાસ
કવન જ થઈ ગયું પરંતુ વિના પ્રાસ
હતું પ્રેમને આપીશું નામ અવિનાશ
ખોટો ઠર્યો પરંતુ એનો ખરો સમાસ
જ્યાં અંધારાનો સદંતર અવકાશ
ત્યાં ક્યા સંજોગે વસી શકે 'પ્રકાશ'
No comments:
Post a Comment