.....કિનારાથી બેખબર

.....કિનારાથી બેખબર

ખોલ્યા 'તા સમજદારીના દ્વાર લાગણીના પાયા પર
કાશ ખબર હોત કે લાગણી તો છે સમજદારીથી પર
મળ્યા હતા ઘણા જીંદગીમાં વિચારવાના અવસર
કાશ કોઇ નિર્ણય પણ જો લઈ શક્યા હોત સમયસર
શરૂ તો કરી હતી કોઇના સહારે જીંદગીની સફર
ગુજરતા જ ગયા હર એક મકામ વિના હમસફર
દૂર દૂર સુધી જણાયા કોઇની લાગણીના સમંદર
કશ્તી ડૂબી મધદરિયે જ રહી કિનારાથી બેખબર
હતી અમારે મન તો પથદર્શક તણી કોઇની નજર
સંતોષ છે પરિચીત કરાવી એણે રાહ તણી ઠોકર
નજરે જ આવ છે હવે તો બસ ગમ તણો અંધકાર
હોય શું 'પ્રકાશ' ની અપેક્ષા જ્યાં ડૂબી સાંજસવાર